Ordinansa pagdili sa plastics subling tukion
CEBU, Philippines – Gipadayag ni incoming Mandaue City Vice Mayor Glenn Bercede nga ang gipatuman nga ordinansa bahin sa pagdili og paggamit og plastic bags, subli nila kining tukion sa umaabot nga Sangguaniang Panglungsod.
Gawas sa pagsusi sa maong ordinansa, ila usab susihon ang mga reklamo diin aduna gihapoy nagnegosyo nga mogamit gihapon og plastics aron ihatag sa ilang mga customers nga maoy hinungdan nga malabay gihapon kini sa kadalanan.
Laing ordinansa nga subling tukion mao ang pagdili sa mga motorista nga magtabon sa ilang nawong.
Giklaro ni Bercede nga sa ilang pagtuki sa maong nahisgutang mga ordinansa, aduna silay himuong public hearing. (BANAT NEWS)
- Latest