Kaso sa Mambaling itugyan sa Ombudsman
CEBU, Philippines — Gipasa sa konseho sa Siyudad sa Sugbo ngadto sa Ombudsman ang reklamong dereliction of duty ni Mambaling acting Barangay Captain Anne Marie Vestil Palomo batok sa upat niya ka kauban.
Kini subay sa sugyot ni Vice Mayor Edgardo Labella human si Konsehal Margarita Osmeña nangayo sa opinyon sa ubang miyembro kun unsay angayan buhaton sanglit usa nalang ka sesyon ang nahabilin sa dili pa ang bag-ong konseho molingkod.
Mismo si Konsehal Jocelyn Pesquera niingon nga ang reklamo ipasa una sa Department of Interior and Local Government (DILG) aron pagsuta kun ang upat ka konsehal sa barangay may tulubagon ba.
Ang mga gireklamo mao sila si Wilfredo Go, Owen Atillo, Roseller Salvador ug Sangguniang Kabataan Chairman Sharmaine Maloloy-on kinsa giingong dili motambong sa sesyon nga pangulohan ni Palomo human nasuspenso si Kapitan Gines Abellana.
Niadtong Hunyo 6 si Palomo nisang-at og reklamo sa konseho sa siyudad. (/GMR)(BANATNEWS)
- Latest