Illegal STL rondahon

CEBU, Philippines — Ang kapolisan sa Dakbayan sa Sugbo motutok na sa kampanya batok sa illegal nga sugal sugod karong adlawa diin nag-una nilang target kini padayong operasyon sa mga illegal small town lotto (STLs) nga gipadagan og mga pribadong tawo ug dili sa Philippine Charity Sweepstakes Office.

Gibutyag sa direktor sa Cebu City Police Office nga si Police Colonel Royina Garma nga gisalikway na sa Sinsilyo Corporation ug Globaltech Mobile Online Corp. ang mga ushers.

Ang mga ushers maoy maglibut-libot sa mga suok sa kabarangayan aron modawat sa mga pusta sa mga tawo sa lotto. Aduna silay uniporme ug identification cards gikan sa PCSO nga nagpakitang legal ang ilang pagpataya sa mga tawo.

Apan matud ni Garma nadiskobrehan nila nga mo-remit sab sila sa mga pribadong financiers o illegal gambling lords.

Ang Sinsilyo Corporation maoy nanagiya sa Small Time Lottery o STL samtang ang Globaltech maoy nanagiya sa Peryahan ng Bayan, usa sab ka numbers game nga maoy gitugotan kaniadto sa PCSO nga maka-operate.

“We will be supporting STL-Sinsilyo and Peryahan ng Bayan of Global Tech. so these are the two corporations that will operate gambling activities ng Cebu City and we will be supporting ‘yung kanilang negosyo, activity nila dito,” si Garma nagkanayon.

Tinguha nila nga mahimong ‘no usher zone’ ang siyudad pinaagi sa pagdakop niining mga illegal gambling ushers.

“Imagine mo, tinanggap sila ng company para mag-usher and supposed to be I remit nila lahat yung kanilang income sa company, ang ginagawa nila hindi lahat nire-remit because may nag pi-finance outside which is illegal and mahirap hulihin,” sigun ni Garma. Ang bokis usa sab ka number game nga sugal apan illegal kini sukwahi sa STL ug sa Peryahan diin aduna silay pagtugot sa Philippine Charity Sweepstakes Office. Apil sa gipangita sa kapolisan kining mga tinago-tago nga mga illegal lotto outlets o booths nga kun tan-aw murag legal ilang operasyon kay dunay kompyuter, mga logo sa PCSO, posters ug magsuot sab og chalico sa PCSO ilang kahera apan adto mag-remit sa gambling lords.

Kun wala kini giila sa duha ka kompanya ingun man sa PCSO makonsiderar kini nga illegal matud ni Garma.

“So lahat meron nang booth, this will be identified by Peryahan and STL. So if hindi sila identified and di rin approved by PCSO, that means illegal yung booth,” matud sa maong direktor. (/IBM)(BANATNEWS)