Armas sa kapolisan wala magkuwang
CEBU, Philippines — Si Cebu City Police Office director Royina Garma nagkanayon nga wala sila magkuwang og armas. “Kumpleto naman ng baril ang polis. Halos one is to one na man kami,” kini ang iyang tubag kabahin sa taho nga modonar og 437 ka nagkalain-laing klase sa armas ang kagamhanan sa Siyudad sa Sugbo sa dili pa mobiya si outgoing Mayor Tomas Osmeña.
Subay sa maong kalambuan, wala gitin-aw ni Garma kon dawaton ba niya ang maong mga armas.
Nasayran nga sige og bangi ang duha pinaagi sa media sukad pa niadtong paglingkod ni Garma isip direktor sa kapolisan sa dakbayan.
Alang ni Garma nga ang maong mga armas dili peace offering ni Osmeña kaniya.
“Bakit kailangan ng peace offering? Are we in war?” sigon sa babayeng director sa kapolisan.
Nasayran nga mipasar ang konseho sa siyudad nga modonar og mga armas ngadto sa CCPO sanglit tan-aw nila nga daku kini og tabang sa pagsumpo sa kriminalidad sa dakbayan.
Sa maong resulosyon, giklaro sa konseho nga ang kagamhanan sa siyudad gihapon maoy nanag-iya sa maong mga armas, apan ang CCPO na ang responsable sa pagproseso sa renewal sa lisensya niini ug dili na ang General Services Office sa City Hall. (DILT) (BANAT NEWS)
- Latest