Walay SOCE pamultahon
CEBU, Philippines — Kagahapon ang katapusang adlaw sa pagsang-at sa tagsa-tagsa ka Statement of Contributions and Expenditures (SOCE) sa mga nagpapili niadtong May 13 nga eleksiyon.
Gibutyag ni Atty. Marchel Sarno, Cebu City South District Election Officer, nga hangtud alas 8 sa gabii sila nanawat sa SOCE.
Kadtong mga wala nakaduso sa ilang SOCE kagahapon dunay ipahamtang nga silot ug multa.
“Ang dili kaabot sa deadline they have until 6 months sa kadtong nakadaug unya pero naa sila’y penalty nga naay administrative fine unya at the same time dili sila ka-assume sa ilang office,” sigun ni Atty. Sarno.
Ang administrative fine mag-depende sa posisyon nga gidaganan diin ang city mayor, city vice mayor, congressman, local political parties (city/municipality), ang first offense naa sa P20,000 ug ang second offense P40,000.
Samtang ang Sangguniang Panlungsod(city councilors) ang first offense P15,000 ug P30,000 ang second offense.
Sa pagkutlo niining balita, ang mga naka-file na sa ilang SOCE mao sila si reelected North District Congressman Raul Del Mar, outgoing councilors Pastor Alcover Jr., Joel Garganera, Jocelyn Pesquera, Quiot Barangay Captain Francis Esparis, Councilor-elect Donaldo Hontiveros, Cambinocot Barangay Captain Rey Lauron, reelected Councilor Raymond Alvin Garcia, Ernesto Herrera, Councilor-elect Phillip Zafra, Vice Mayor-elect Michael Rama, Atty. Marie Velle Abella, Councilor-elect Antonio Cuenco, Councilor-elect Alvin Dizon, reelected Councilor Dave Tumulak, reelected South District Congressman Rodrigo Abellanosa, reelected Councilor Joy Augustus Young, Dungog Ricardo, outgoing Councilor Mary Ann delos Santos, reelected Councilor Eduardo Rama, Councilor-elect Lea Japson, reelected Councilor Sisinio Andales, Alvin Arcilla, outgoing Councilor Jerry Guardo, reelected Councilor Renato Osmeña Jr., Councilor-elect Raul Alcoseba, reelected Councilor Eugenio Gabuya Jr. ug Councilor-elect Prisca Niña Mabatid. (GMR) (BANAT NEWS)
- Latest
