Tumulak buot mohupot sa komitiba sa budget

CEBU, Philippines — Karong umaabot Hunyo 30, bag-o na ang mga miyembro sa konseho sa Dakbayan sa Sugbo ug nunot niini mausab ang membership ug chairmanship sa mga komitiba. Si reelected Councilor Dave Tumulak nipadayag nga andam siya nga modawat sa chairmanship sa committee on budget and finance isip hagit sa iyang kaugalingon kong ugaling walay modawat niini sa iyang mga kauban sa konseho.

Pasalig ni Tumulak sa mga residente sa Dakbayan sa  Sugbo nga patas nga ma-distribute alang sa katawhan sa siyudad ang budget.

Matud ni Tumulak nga andam usab siya nga modawat og laing komitiba kong ugaling dili siya ang mahatagan sa naunang komitiba.

“Basta akong gihangyo asa ko dapita makatabang sa Cebu City, humana man ko sa disaster resiliency nato sa city government, in placed na man, atong peace and order in placed na man pod na, so karon ari na sad ta sa budget tan-awon nato kaya ba nato”, ni Tumulak pa.

Samtang si outgoing councilor Margarita Osmeña kinsa maoy kasamtangang chairman sa committee on budget and finance nipadayag nga naa ra siya kanunay kong ugaling kinahanglanon siya. “You know they call me Ma, so I’m the Mama, so Mama will always be around but like any other child you learn when to let go but you will always be there if needed and when wanted”, matud ni Osmeña. (/BDB)(BANATNEWS)