Biyuda patay sulod sa panimalay
CEBU, Philippines — Napalgan nalang nga patay na ang 57-anyos nga biyuda ug wala nay sapot sulod sa iyang panimalay sa Purok 1, Dapitan, Lungsod sa Cordova kagahapon.
Baho na nga napalgan ang biktima kinsa giila sa Cordova Police station nga si Jul Berdin Braga.
Sigun sa hepe sa maong estasyonan nga si Police Captain Efren Diaz nga adunay usa ka concerned citizen nga nisumbong sa ilang buhatan kabahin sa grabeng baho nga natimahoan niini gikan sa usa ka balay.
Sa dihang gisusi, napalgang patay ang maong babaye kinsa naghayang sa sala ug wala na nagsul-ob og underwear ug purol.
Bana-bana sa maong hepe nga kapin sa tulo ka adlaw na kining patay.
Niining pagsuwat, blangko pa ang kapolisan kun tuyo ba nga gipatay ang biktima ug kun unsa ang gikamatyan niini maong gipaubos kini sa autopsy. (/GMR)(BANATNEWS)
- Latest