437 ka armas gidonar ngadto sa CCPO
CEBU, Philippines — Giaprubahan sa konseho sa Siyudad sa Sugbo ang pagdonar sa 437 ka nagkalain-laing klase sa armas ngadto sa Cebu City Police Office.
Ang resolusyon gipangamahanan ni Konsehal Dave Tumulak, chairman sa Committee on Public Order and Safety.
Matud ni Tumulak nga bisan ang maong mga armas giisyu sa kapolisan apan ang tag-iya niini mao gihapon ang kagamhanan sa siyudad kauban sa mga gipang-isyu ngadto sa mga kawani sa City Hall ug mga barangay kapitan.
“This is one way to support the PNP, to curb illegal activities diri sa atong siyudad and para sad pag-process sa mga documents dili na hasol sa side sa city government, so tanan adto na didto sa PNP, sila nay mo-dispose, asa nila i-assign ang mga firearms,” matud ni Tumulak.
Nunot niini ang CCPO mao nay responsable sa pagproseso sa renewal sa lisensiya ug dili na ang General Services Office sa City Hall.
Subay sa donation, ang konseho nitugot kang outgoing Mayor Tomas Osmeña nga mopirma sa deed of donation and acceptance tali kang CCPO Director Police Colonel Royina Garma.
Si Mayor-Elect Edgardo Labella sa iyang bahin niasoy nga makatabang kini sa kapolisan sa pagsumpo sa krimen sa dakbayan.
“The very striking advantage nga if the police is equipped then of course they can fight even against the bigtime criminal syndicates,” matud ni ni Labella. (/GMR)(BANATNEWS)
- Latest
