Barug andam modawat sa BOPK
CEBU, Philippines – Masaligon si Cebu City Mayor-elect Edgardo Labella nga masulbad ra ang kasungian nila ni Councilor-elect Niña Mabatid ug outgoing Councilor Pastor Alcover Jr. nga pulos niya kauban sa Partido Barug PDP-Laban.
Nagkanayon si Labella nga tagsa-tagsa na niyang nahinabi ang duha ug positibo siya nga aduna kini maayong resulta.
Nagsugod ang panagbangi sa duha dihang si Alcover mipasangil kang Mabatid nga mi-junk kaniya niadtong miaging piniliay.
Gihimug-atan ni Labella nga dili mabungkag ang ilang grupo tungod sa maong hitabo sanglit personal kini nga panagbangi.
Andam usab nga mo-akomodar si Labella sa mga konsehal nga sakop sa BOPK nga gustong moapil sa ilang partido sanglit gusto siya og inclusive governance. Nipagawas sa maong komento si Labella subay sa huhungihong nga ang iyang partido nagsugod na sa pag-imbitar og mga BOPK councilors aron makuha ang mayoriya sa konseho.
Wala usab siyay ideya nga si Presidential Assistant for the Visayas Michael Dino miimbitar ba o wala sa mga konsehal sa BOPK ilabi na nila ni Konsehal Dave Tumulak, Jerry Guardo, Eugenio Gabuya Jr. ug bag-ong napili nga si Raul Alcoseba.
Karong Hunyo 30, 7-11 ang composition sa city council sa siyudad pabor sa BOPK. (/DILT)(BANAT NEWS)
- Latest