Eleksiyon sa barangay ipaoktaba ni Bong Go
CEBU, Philippines — Gipasalig ni Senator-elect Christopher Lawrence “Bong” Go nga sa iyang paglingkod sa pwesto iyang lihokon ang pag-oktaba sa eleksyon sa barangay ngadto na sa 2022.
Matud ni Go nga nakighinabi na siya ni Presidente Rodrigo Duterte nga isibog niya ang eleksyon sa 2022 aron mahatagan pa ang mga kasamtangan nga kapitan nga naglingkod karon nga moserbisyo sa ilang mga konstituwente.
Dugang pa ni Go nga dili sala sa mga kapitan ang pag-oktaba sa nilabay nga eleksyon sa barangay hinungdan nga pipila ra ka tuig ang ilang pagpangalagad sa gikatakda nga eleksyon sunod tuig.
Atubangan sa mga opisyal sa Barangay Mambaling, Siyudad sa Sugbo nga nitambong sa pagbisita ni Go sa mga nasunogan, nipasalig ang bag-ong senador nga lihokon niya nga masibog ang eleksyon basta dili lang biyaan ug pasagdan sa mga kapitan ang ilang katawhan. (/GMR)(BANATNEWS)
- Latest