Pagduso sa SOCE gilugwayan
CEBU, Philippines – Gilugwayan sa Commission on Elections ang pagsumiter sa Statement of Contributions and Expenditures (SOCE) sa mga kandidato niadtong 2019 midterm election.
Ang Comelec una kining nitakda sa Hunyo 12 nga maoy deadline sa pagduso sa SOCE sa mga kandidato sa eleksyon, nakadaug man o wala.
Apan tungod kay holiday man ang Hunyo 12 nga maoy Independence Day, giuswag sa Comelec ang deadline ngadto na sa Hunyo 13.
Apan matud ni Ronnie Amistoso, election officer sa Office of the Provincial Election Supervisor (OPES), nga abli gihapon sila sa petsa 12 ug mamahimo gihapon sila modawat sa SOCE.
Bisan karong adlawa (Sabado) abli gihapon ang Comelec ug modawat gihapon sa isumiter sa mga kandidato.
Sa pagsulat niining balita, tulo pa lang ka kandidato sa provincial level ang nakasumiter sa ilang SOCE nga sila si fifth district Congressman-elect Vincent Franco “Duke” Frasco, reelectionist board member sa first district nga si Yolanda Daan ug reelectionist board member sa fourth district nga si Horacio Franco. (/GMR)(BANAT NEWS)
- Latest
