Tolentino pabor barangay election ioktaba

CEBU, Philippines — Pabor nga isibog lang una ang piniliay sa barangay si Senator-elect Francis Tolentino.

Kini iyang gipadayag sa mga tigbalita atol sa iyang pagbisita sa Dakbayan sa Talisay kagahapon sa buntag aron pagtambong sa  matag Lunes nga flag raising sa mga empleyado sa Talisay City Hall.

Alang niya mas maayo nga isibog lang una sa laing tuig ang piniliay sa barangay gumikan kay bag-o lang natapos ang midterm elections.

Asoy pa ni Tolentino nga daghan pa sila og tukionon sa Senado apan sa iyang bahin mas maayo nga isibog lang kini kay makagasto na sab ang gobiyerno.

Gikatakda ang piniliay sa barangay sunod tuig apan ang Commission on Elections una nang nipadayag nga kuwang gyud sila og pundo. Niadtong Mayo 2018 ang katapusang eleksiyon sa barangay samtang niadtong Mayo 2019 sab ang mid-term elections. (BANAT NEWS)