Kapolisan mosayo og bantay sa tunghaan

CEBU, Philippines — Sayo nga makita sa mga tinun-an ug sa ilang mga ginikanan ang presensiya sa kapolisan sa Dakbayan sa Talisay diha sa mga tunghaan ugmang adlawa.

Subay kini sa pagsiguro nga hapsay ug malinawon ang unang adlaw sa pagbukas sa klase sa pampublikong tunghaan.

Si Police Major Ardeolito Cabagnot, deputy chief sa Talisay City Police Station nagkanayon nga siento por siento na silang andam sa pagsugat sa pagbukas nasab sa klase. Plastada na ang tanan nilang assignments diin gawas kanila, abagan usab sila sa force multipliers ug mga barangay tanod.

Magbutang sab sila og police assistance desk aron dali nga makita sa katawhan kon sila magkinahanglan og tabang.

Iyang gipanghinaut nga unta ang tanan mag-inampingon ugma kay dili gyud malikayan nga adunay mga tawo nga mopahimulos sa higayon. (/DILT)(BANATNEWS)