BFP mobukas og arson lab sa CV
CEBU, Philippines – Ang Bureau of Fire Protection (BFP)-7 nagtinguha nga mobukas og arson laboratory sa Central Visayas sa sunod tuig.
Kini ang gibutyag ni Fire Senior Superintendent Gilbert Dolot, regional director sa BFP-7 nga nahinabi sa Banat News.
Matud ni Dolot nga bukas ang ilang buhatan ngadto sa mga chemist nga buot mosulod sa BFP alang sa ilang tinguha nga pagbukas sa arson laboratory sa sunod tuig.
Sa pagka karon matag higayon nga adunay sunog sa Sugbo ipadala pa sa kaulohan ang mga tipaka aron masayran ang hinungdan niini.
Matud usab ni Dolot nga nagkinahanglan pa usab sila og mga engineer ug accountant alang sa Fire Code of the Philippines hinungdan nga giawhag niini ang adunay mga katakos sa pag-apply sa BFP aron mahimong kabahin sa ilang mga gipangita.
Awhag usab ni Dolot sa mga adunay katakos nga suwayan ang pag-apply bitbit ang ilang kaalam ug dili na kinahanglang moduol pa og mga mangilkilay aron makasulod og position. (/BDB)(BANAT NEWS)
- Latest
