Tulo ka drayber positibo sa drug test
CEBU, Philippines – Tulo ka mga drayber sa jeep nagpositibo sa illegal nga drogas atol sa kinalit nga drug test sa mga terminal kagahapon nga gihimo sa Philippine Drug Enforcement Agency-7 didto sa Tamiya Terminal sa Dakbayan sa Lapu-Lapu ug sa Dakbayan sa Talisay nga kabahin gihapon sa Oplan Harabas ‘Drug Test Muna Bago Pasada’.
Sa Tamiya, gipaubos sa maong drug test ang 66 ka tricycle driver; 134 ka mga drayber sa jeep ug usa ka multicab operator. Samtang 189 ka buok mga drayber sa taxi sa Talisay.
Butyag sa tigpamaba sa maong ahensya nga si Leia Albiar-Alcantara, ipaubos pa og confirmatory exam ang maong tulo maong gipugngan usa nila ang pagpagawas sa mga pangalan niini.
Kun magpositibo gihapon sa confirmatory test diin makita kun unsa nga matang sa ilegal nga drugas ang giinom niini malangkatan sila sa ilang lisensya pagkadrayber. (/IBM)(BANAT NEWS)
- Latest