Grabeng kainit masinati atol sa eleksiyon
CEBU, Philippines – Gilauman ang init ug alimuot nga panahon ang masinati atol sa eleksiyon karong Lunes.
Kini ang gibutyag ni Engineer Al Quiblat, officer-in-charge sa Philippine Atmospheric Geophysical and Astronomical Services Administration (PAGASA)-Visayas.
Matud ni Quiblat nga gamay kaayo ang kahigayonan sa ulan atol sa adlaw sa piniliay hinungdan nga init ug alimuot ang panahon atol sa maong adlaw ug adunay forecast range temperature 26-34c, heat index 44c.
Matud usab ni Quiblat nga tungod sa kainit sa panahon kinahanglang magdala og panangga sa init sama sa payong, kalo ug basa nga labakara.
Angay usab magdala og tubig, magsul-ob ug senina nga hayahay o mga light nga kolor. Awhag usab ni Quiblat nga labing maayo nga mobotar sa wala pa ang alas 10:00 sa buntag o human sa alas 3:00 sa hapon diin medyo dili na hait ang kainit. (/BDB)(BANAT NEWS)
- Latest