12th Olango Challenge mosikad na
CEBU, Philippines – Mag-abot ang mga elite swimmers gikan sa nagkadaiyang dapit sa nasud alang sa ika-12 edisyon sa Olango Challenge karong adlawa diha sa Pacific Cebu Resort, Dakbayan sa Lapu-Lapu.
Kapin sa 100 ka mga atleta nga naglakip sa mga junior swimmers ang maglumba sa labing dakong open water swimming competition sa nasud.
Ang mga partisipante molangoy sa rota nga adunay gilay-on nga 6K, 1K ug 300 meter alang sa mga bata.
Moabot ngadto sa P60,000 nga ganting salapi ang gitagana sa top placers sa matag dibisyon.
Gawas sa kompetisyon, ang lumba matawag sab nga usa ka fund-raising event alang educational projects sa kabus nga mga tinun-an sa Olango Island.
Gipasiugdahan kini sa Philippine Business for Social Progress (PBSP) ug Philippine Swimming, Inc. (PSI).
- Latest
