E&F Surplus abante semifinals sa CLBA Season 2
CEBU, Philippines – Ang 'twice-to-beat' nga E&F Surplus mipayaka sa Princess Shaira, 84-74 aron moabante dayon sa semifinals sa CLBA Season 2 basketball tournament niadtong Huwebes didto sa GT Academy gym sa Tayud, Lilo-an.
Mibalik na sab ang kainit sa team owner niining si Fury 'Triggerman' Trazona aron pangulohan ang pag-arangkada sa E&F Surplus nga dominante kaayo sa maong duwa.
Napiksan sab sa kainit ni Trazona si Edu Pepito nga mikabya og 17 puntos ug silang Kenn Nuñez ug Tata Betinol nga nagkumbinar og 24 puntos.
Tulo ka players ang miiskor og double figures sa Princess Shaira ug usa na niini ang ilang team manager nga si Rommel Bucatan nga mihipos og 16 puntos.
Sa laing aksiyon, nahayagan pa ang dalan sa J&J Surplus paingon sa semifinals human makaipsot batok sa 'twice-to-beat' nga Kalubi-an, 72-69.
Gipangulohan ni Larry Oroyan ang E&F Surplus nga mikamada og 21 puntos, gisundan ni Mardonio Casper nga mikambiyada og 17 puntos.
Mikabya sab og 13 puntos si Romnick Dela Rama, samtang si Terrence Cadao miariya og 10 puntos sa J&J Surplus ni Henry Agbon.
Si Almyr Icot mao sab ang nangulo sa Kalubi-an pinaagi sa iyang 31 puntos, apan nakawang lang kay napugngan pa ang ilang pag-abante sa semis.
Ang liga nga nahimo pinaagi sa paningkamot sa presidente niining si Arnold Labustro ug bise presidente Henry Agbon, gipaluyohan sa Union Galvasteel ug J&J Surplus.
Ang liga ubos sa superbisyon ni commissioner Fury Trazona.
PUNTOS MATAG USA
Unang duwa:
EF SURPLUS (84) – Trazona 23, Pepito 17, Nuñez 13, Betinol 11, Pepito 5, Sabang 4, Sabang 3, Caballes 2, Ursal 2, Ponce 2, Igoy 2.
PRINCESS SHAIRA (74) – Gitgano 22, Suico 20, Bucatan 16, Manatad 9, Sanchez 5, Alimpoos 2.
Ikaduhang duwa:
J&J SURPLUS (72) – Oroyan 21, Casper 17, Dela Rama 13, Cadao 10, Adolfo 7, Tiwan 4.
KALUBIAN (69) – Icot 31, Barriga 18, Gocela 5, Pepito 4, Cabahug 4, Cortes 4, Pascual 3.
- Latest
