TUCP misang-at og wage increase

CEBU, Philippines – Ang Trade Union Congress of the Philippines kon TUCP, misang-at og P386 nga wage increase petition ngadto sa buhatan sa Regional Tripartite Wages and Productivity Board-7 niadtong Martes sa buntag.

Si TUCP president Atty. Raymond Mendoza, maoy nangunay sa pagsang-at sa maong petisyon uban sa iyang mga opisyales. Matud ni Mendoza, tungod sa malnutrisyon ug kagutom nga lakip sa mga supervening conditions maoy hinungdan sa ilang pagsang-at sa petisyon,

Basi sa petisyon, ang gipuno nga minimum wage kaigo sa P773 nga gikinahanglan nga budget aron adunay tukma nga makaon ang matag tawo.

Ang maong petisyon, idugang kini sa kasamtangang minimum nga suholan nga anaa sa P386 diin mahimo na unya kining 772 ang suholan kon paboran sa RTWPB-7.

Napanglantawan sa mga kadagkuan sa TUCP nga ang pagpasaka sa pletehan makapabug-at og samot sa mga trabahante nga magdawatan lang og minimum nga suholan. Mao nga malaumon ug maampoon si Atty. Nora Analyn Diego, ang second nominee sa TUCP nga mahatagan og tubag ang ilang hangyo bisan og katunga nalang niini. (/DILT)(BANAT NEWS)