Coffee farmers apektado sa huwaw
CEBU, Philippines – Dul-an P105 milyones na ang danyos sa El Niño sa Probinsya sa Sugbo, basi sa gitapok nga damage assessment report sa Provincial Disaster Risk Reduction and Management Office (PDRRMO).
Niadtong niaging semana, unang mitaho ang PDRRMO nga miabot na sa kapin P78 milyones ang danyos sa huwaw sa lalawigan. Karon, miabot na kini og P104, 826, 559. 76.
Gumikan kini kay pipila sa mga lungsod, misumiter na sa ilang danyos. Usa na niini ang Lungsod sa Tuburan nga mitala og dul-an P20 milyones nga danyos sa agrikultura ug hayopan. Apil na niini ang coffee farming sa lungsod diin tulo ka ka mga asosasyon gikan sa kabarangayan sa Kaorasan, Tomugpa ug Mag-alwa ang apektado sa huwaw.
Dili momenus 300 ka mga coffee farmers ang apektado ug moabot sa 298 ka ektarya sa kape ang nadaut tungod sa grabeng kainit. Mokantidad kining tanan sa P6.5 milyones.
Sa pagkakaron 36 na ka mga local government units ang misumiter og validated report sa damage assessment nga gihimo sa ilang mga lungsod tungod sa huwaw. (/DILT)(BANAT NEWS)
- Latest
