P3.5M danyos sa huwaw sa Talisay
CEBU, Philippines — Miabot na og P3.5 milyones ang danyos sa mga pananom ug hayopan epekto sa El Niño karong tuiga sa Dakbayan sa Talisay sumala pa sa ilang city agriculturist.
Si Rene Galado nagkanayon nga bisan paman sa nahitabo pasalamat gihapon sila kay nagsugod ang huwaw sa dili pa ang tingtanom sa 1,200 ka mga maguuma sa dakbayan.
Siya nitataw nga gipahinumduman gyud nila ang mga mag-uuma nga dili mopugos sa pagtanom kay mausik lang unya ang ilang kahago.
Sa pagkakaron, ilang giuna ang paghatag og ayudang tubig sa matag balay kay mao kini ang importante karon sa mga Talisaynon nga naapektuhan.
Dugang pa ni Galado nga kung mobalik na ang tinguwan i timbang-timbangon nila kun kinsa ang angayan nga tagaan og mga liso ug uban pang ipangtanom. (/IBM)(BANATNEWS)
- Latest
