Mayor Osmeña “nagsugal” paimbestigahan
CEBU, Philippines — Usa ka molupyo sa Siyudad sa Sugbo ang miawhag sa Ombudsman-Visayas nga paimbestigahan si Cebu City Mayor Tomas Osmeña tungod sa matud pa pagkalambigit niini sa illegal gambling sud sa usa ka establisamento niining tuiga.
Si Osmeña gireklamong nakit-an nga nagsugal og poker tulo ka higayon niadtong Enero 2019 diha sa us aka baligyaanan og mga bino.
“I was very disappointed upon seeing Mayor Tomas Osmeña engaged in such act and after reading the newspaper it come to my mind that the Mayor was protecting an illegal gambling den which is supposed to be his duty to stop illegal gambling in Cebu City, yet, he is the one patronizing such illegal act,” matud pa sa reklamo.
Ang mipasaka og reklamo mao ang usa ka Conrado Romano, nga taga Tabayayong, Urgello St., Cebu City.
Matud niini, nakabasa sa pamantalaan kabahin sa operasyon sa kapulisan batok sa House of Jack’s in Ralph’s Wines and Spirits sa Barangay Kamputhaw, Cebu City.
Matud niya nga nakakuha siya og picture ni Osmeña nga nagduwa og baraha didto sa dihang dunay amigo niyang miimbitar kaniya sa maong establisamento.
Nagtuo siya nga si Osmeña nakalapas sa ethical standards of government official and other laws prohibiting elected officials from engaging in gambling.
Ang maong reklamo giduso ni Romano sa Ombudsman niadto pang Mayo 2.
Ang mayor sa iyang bahin miingon nga wala na siya makurat sa mikatap nga usa ka hulagway diha sa social media nga nagpakita kaniya nga nagduwa og poker.
“That’s normal they always will come up with things I’m going to die, I’m like this, I’m like that. I have never been convicted by the ombudsman, never”, ni Osmeña pa.
Kini midugang nga iyaha nang gitugyan sa iyang mga abogado ang maong hisgutanan. (/IBM)(BANATNEWS)
- Latest