Upat ang kandidato pagka mayor sa Mandaue
CEBU, Philippines — Karong sunod Lunes, Mayo 13, mao na ang adlaw sa Midterm elections ug ang mga botante sa Dakbayan sa Mandaue, mopili na og kandidato nga mahimong mayor sa siyudad gikan sa upat ka mga kandidato.
Naglakip sa mga kandidato nga pilian sa mga Manduehanon mao sila si Kongresista Jonas Cortes, iIncumbent Mayor Luigi Quisumbing, Eric Fortuna ug si Canduman Barangay Councilor Welmer Oplado Sanoria.
Ka tanden ni Cortes pagka bise mayor mao si Board Member Glenn Bercede samtang si Bise Mayor Carlo Fortuna nga nagpa-reelect usab sa pagka bise mayor maoy ka tandem ni Mayor Quisumbing.
Si Jackquelyn Reuyan nga maoy assistant Comelec officer sa Mandaue miingon nga kumpleto na usab sa line-up sa napulo ka mga konsehal ang anaa sa Quisumbing-Fortuna tandem ingon man sa kampo nila ni Cortes ug Bercede.
Nakadugang sa gidaghanon nga kandidato sa pagka konsehal sa dakbayan mao si Ondo Mantilla nga konsehal sa Brgy. Casili diin suma total, 21 ang magpapili pagkonsehal ug napulo lamang kanila ang makalingkod unya sa katungdanan.
Bisan og highly urbanized city na ang Mandaue apan makabotar gihapon sila sa gobernador, bise gobernador ug duha ka mga board members nga maoy molingkod sa hawanan sa hunta probinsiyal. (/DILT)(BANATNEWS)
- Latest