Mga polis sa isyu sa checkpoint gikasohan
CEBU, Philippines – Mga kawani ug supporters nilang Cebu City Mayor Tomas Osmeña ug Konsehal Mary Ann delos Santos nipasaka og reklamo batok sa hepe sa Cebu Mobile Force Company Commander , Police Major Chuck Barandog ug mga kaubanan niini ngadto sa Office of the Ombudsman kalabot sa paghasi kanila pinaagi sa checkpoints.
Ang labing init nga nahitabo mao kadtong sa Barangay Kasambagan niadtong Domingo sa gabii diin nagkakomprontase ang mayor ug mga polis.
Sila si William Armian Jr. Paul Anian Tago Abella, Jesus Cortuna Rojas, Kevin Paz,Herbert Bilocura ug Jimmy Muñoz Aves mikiha ni Barandog ug mga sakop tungod sa matud pa kalapasan sa R.A. 6713 o ang Code of Conduct and Ethical Standards for Public Officials and Employees; kalapasan sa Comelec Resolution 10468 ug grave misconduct. Si Armian aduna pay laing reklamo nga grave threats batok sa mga polis. Sa affidavit ni Armian, iyang gisayasy nga gipahunong sila ni Barandog sa maong checkpoint.
Si Armian uban ang mga kauban gikan sa campaign sortie ni delos Santos sa Kasambagan Gymnasium ug nagmotor siya kuyog sa convoy.
“…while I was in motion, a police officer from the side abruptly and forcibly stopped me. I was surprised. The police officer stopped me by grabbing my left arm while uttering ‘Hunong! Hunong’,” matud ni Armian. Sumala pa niya, dihang nakahunong na siya dunay laing police nga niduol ug misuway og kuot sa iyang walang bulsa maong iyaha dayon kining gipangutana kung unsa.
“But instead of answering me, Police Major Barandog did not mind me and he continued to utter words arrogantly saying ‘Daplin! Daplin! Di ka mohunong? Pusilon tika ron!’ “ pagbasa sa affidavit ni Armian.
Si Delos Santos kinsa miabot sab sa dapit ug miangkong iyang kauban si Armian daling mitawag kang Osmeña kinsa nibalik didto sa checkpoint ug nahitabo ang panagkomprontase sa ilang grupo ug sa mga polis. (/IBM)(BANAT NEWS)
- Latest