Alayon ang nag-una sa Dakbayan sa Talisay
CEBU, Philippines – Pabilin gihapon nga nag-una ang grupong Alayon sa Dakbayan sa Talisay samtang nagpadayon ang pagpangampaniya.
Apan giingong nigamay ang nakarga sa top 10 sa ilang konsehales.
Sa niaging survey nga gihimo sa Alayon adunay walo ka konsehal ang nasulod apan karon lang bag-o unom ka konsehal nalang ang nasulod sa top 10.
Si Kongresista Gerald Anthony “Samsam” Gullas. Jr. kinsa nikandidato sa pagkamayor sa siyudad ang nag-una sa survey kompara sa iyang kaatbang nga si kanhi Mayor Johnny De Los Reyes.
Sa pagkabise mayor giingong nalabwan ni Atty. Romeo Villarante si incumbent vice mayor Alan Bucao.
Si Villarante walay kauban nga mayor apan nikatap sa siyudad ang tarpaulin nga panagway ni Gullas ug ni Villarante.
Si Julian “Teban” Daan maoy nag-una sa mga konsehal nga gisundan ni Doroteo Emit, Socrates Fernandez, Jojo Bacaltos, Yehyen Bucao, Aldin Diaz, Ferdie Rabaya, Dennis Basillote, Sherwin Echavez ug Maning Cabriana. (/BDB)(BANAT NEWS)
- Latest
