10 ka pusher sa Lapu-Lapu nasikop

CEBU, Philippines — Gitanggong sa bilanggoan sa Lapu-Lapu  City  jail  ang napulo ka mga tawo nga gikatahapan nga pusher og shabu nga nadakpan sa managkalahing buy-bust  operation nga ilang gipahigayon sa nagkadaiyang dapit sa maong syudad. Si Police  Major  Wyne  Magbanua nga maoy hepe sa Presinto 3   sa LLCPO  miila sa ilang nadakpan nga mao sila si Ronalado Galon  Quijano, alyas Pongkol, 46, ang babaye nga si Janice  Sanchez, 40, Nicholas Arnado Galan, 54 nga taga Sitio Lutaw-Lutaw sa Bliss Gun-ob sa maong dakbayan.

Matud pa ni Magbanua nga nasakmit nila gikan sa maong dinakpan mao ang mokabat sa   P9,792.00  nga kantidad sa shabu ug ingon ,man ang P500  nga marked money nga gigamit sa pagpalit og shabu sa ilang police decoy.

Sa Purok Kalabasa sa Barangay  Gun-ob sa maong dakbayan  maoy  masikop sa team sa kapolisan  sila si Romeo  Bong Muaña, 27   anyos nga taga Sitio Bato, sa barangay  Pasil sa dakbayan sa Sugbo.

Dugang ni  Magbanua  lain nilang nadakpan alas 3  pasado ang takna sa miaging kaadlawon mao si Jhundy Echievare. 25   nga  nagpuyo   sa maong dapit.

Nadakpan   usab ang dugang pang kahigayonan   sa pag-ila sa mga dinakpan nga mao sila si Jestoni Baguio Cosep, 29   anyos ug Robert Mabanag Doroy nga nakuhaan sa kapolisan usa ka medium size  nga shabu, 11 ka gamay nga pakete.

Nasikop usab si Gian Carlo  Dorota Bongo, 39 anyos nga taga Barangay  Gun-ob sa maong dakbayan.

Laing gipriso si Aliven   Baring, 24   anyos ug Alvin  Hiyas, taga Datag  Maribago.  Oliver  Baring,  nga     nakuhaan og shabu nga nagkantidad  og P7,6716.

Sa laing bahin, usa ka 24-anyos nga lalaki ang nabalhog sa prisohan human madakpi sa mga tinugyanan sa Drug Enforcement Group ug Guadalupe Police Station, Huwebes sa gabie sa may Barangay Guadalupe, syudad sa Sugbo.

Ang nasikop mao si Ryan Cabase, residente sa maong lugar.

Nangulo sa maong operation mao Si P/Lieutenant Colonel Glenn Mayam sa Drug Enforcement Group ug Guadalupe Police Stations.

Base sa pakisusi sa kapulisan, mopahigayon si Cabase sa pagpayuhot sa iyang ginadiling drugas, pinaagi sa transaksyon sa cellphone, hinungdan mao kini ang gihimo sa poseur buyer.

Nasakmitan si Cabase ug 50 gramos  nga drugas nga mobalor ug dili mominos sa P340,000.

Si Cabase mirason nga wala siya nakabalibad sa dihang adunay nihangyo niya nga mga parukyano bisan pa man sa pahimangno sa iyang kapuyo. —Rowena Capistrano/LPM (BANATNEWS)