Tulo ka durugista sikop sa buy bust
CEBU, Philippines – Tulo ka giingong durugista ang nasikop sa gipahigayong buy bust operation kapolisan sa Dakbayan sa Talisay diha sa managlahing barangay niadtong Miyerkules sa gabii.
Unang operasyon nahitabo diha sa Sitio Magay, Barangay Tanke diin nasikop si Centenny Gaviola, 42-anyos, residente sa maong dapit ug Allan Barangan, 28, taga Sitio Babao, Barangay Maghaway.
Nakuha gikan kanila mao ang 10 ka gagmay nga paketeng ug usa ka medium nga paketeng shabu.
Mga alas 11:00 sa gabii sa maong adlaw nadakpan usab si Jimbo Valencia, 33- anyos diha sa Barangay San Roque.
Ang kapolisan nakadawat og mga reklamo batok kang Valencia sa giingong ilegal nga kalihukan niini.
Giingong si Valencia ang nasakmitan og 28 ka gagmay nga paketeng shabu.
Ang mga suspetsado natanggong diha sa detention cell sa Talisay City Police Station ug gikatakdang pasakaan og kaso sa nahimong nilang kalapasan. (/BDB)(BANAT NEWS)
- Latest
