Unom sikop sa buy bust
CEBU, Philippines – Unom ka suspetsadong pusher ang nasikop sa gipahigayong buy bust operation sa kapolisan sa Dakbayan sa Sugbo ug Lapu-Lapu niadtong Miyerkules.
Sa Dakbayan sa Sugbo nasikop diha sa usa ka lodging house sa dalan Colon si Romnick Alonzo, 28, taga Sitio Catwalk, Barangay Duljo Fatima kinsa giingong naghupot og drug paraphernalia.
Diha sa Sitio Mahayahay, Barangay Calamba nasikop sila si Joe Jefferson Bontilao, alyas “Epoy”, 30, residente sa maong lugar, Kiezy Escorpion, 20, dalaga, taga Sitio Santo Niño, Barangay Guadalupe.
Giingong nasakmit sa mga suspetsado ang pinutos nga shabu nga motimbang tanan ngadto sa 8.2 gramos nga mobalor sa P60 mil, timbangan, buy bust money ug halin nga P300. Laing nasikop diha sa Sitio Riverside Barangay Lorega, San Miguel kagahapon sa kadlawon si Alex Amado, hingkod ang panuigon, 44, residente sa maong lugar.
Giingong nasakmit gikan kaniya ang shabu nga mobalor ngadto sa P2 mil, buy bust money ug sudlanan niini.
Samtang sa Dakbayan sa Lapu-Lapu nasikop si Al-Al Jeopil Dela Cuesta, 24, diha sa San Carlos Subdivision, Barangay Marigondon.
Giingong nasakmit gikan sa suspetsado ang walo ka gagmay’ng pakete nga shabu ug P300 nga buy bust money.
Sa Sitio Soong 1, Barangay Mactan nasikop si Edwin Igot Silawan, 28, nagpuyo sa maong dapit ug giingong nasakmitan kini og lima ka gagmay’ng pakete sa shabu ug buy bust money. (Romeo T. Limpangog/BDB)(BANAT NEWS)
- Latest