Mga bala gisagang
CEBU, Philippines – Daw superhero ang usa ka lalaki human iyang gisagang ang mga bala sa dihang siya gipusil sa wa ilhing mga lalaking nagmotorsiklo diha sa Barangay Tabunok, Dakbayan sa Talisay kagahapon sa alas 2:55 sa kaadlawon. Ang biktima mao si Randolf Caballero, 24, taga Barangay Dumlog sa maong siyudad. Matud pa ni PO3 Glenn Besande naglakaw ang biktima paingon sa Sitio Mananga dihang kalit kining gipaulanan og bala sa mga lalaking nagsunod kaniya. “Nakabantay siguro siya paglingi nga gipusil na siya mao to nga iyang gi-cover iyang mga bukton nga mura’g superhero,” matud pa ni Besande. Luwas na hinuon ang biktima nga naa karon sa tambalanan, samtang gisusi pa ang motibo sa maong pagpamusil. (/IBM)(BANAT NEWS)
- Latest