Comelec nagpatabang sa Operation Baklas

CEBU, Philippines — Ang Commission on Elections (Comelec) Cebu City nakig-alayon na sa ubang government agencies alang sa himuong “Oplan Baklas” inig sugod na unya sa Local Campaign Period nga magsugod karong Marso 29 hangtod Mayo 11. Si North District Election Officer Atty. Marchel Sarno miingon nga nangayo na sila og tabang sa PNP, BFP, DPWH, ug DENR kay kuwang sila og tawo sa pagtangtang sa mga illegal campaign materials.

Dugang niini nga gawas nga kuwang sila og tawo, ang pagtangtang sa mga campaign posters dili nila prayoridad sanglit aduna pa silay daghang himuon alang sa umaabot nga piniliay. Matud ni Sarno nga ang maong mga ahensiya, makatabang kanila sa pagtangtang sa mga illegal campaign posters nga dili sakto og sukod ug kadtong gipamutang sa lugar nga wala nila gitugot. (/DILT)(BANATNEWS)