Ginang gikaligo og bala patay
CEBU, Philippines — Usa ka 33-anyos nga ginang ang gipusil sa wala mailhing mamumuno sa may Bayanihan Village Barangay Quiot ning Dakbayan sa Sugbo, Biyernes sa buntag.
Ang gipatay nailhan nga si Janice Bayarcal, temporaryong nagpuyo sa maong lugar. Wa pa matino kun kinsa ang mamumuno nga giingong nagsakay og motorsiklo ug nagtaptap sa mga nawong. Base sa initial nga pakisusi sa kapolisan, gisundan ang biktima ug pagabot sa dapit gipusil kini sa mga mamumuno.
Nakahimo pa pagtago luyo sa usa ka pick-up nga sakyanan ang biktima apan nabugtoan gihapon kini sa kinabuhi. Gisusi pa karon sa kapulisan ang background sa biktima ug ingon man ang motibo sa pagpusil kaniya. Unom ka basiyo sa bala sa kalibre .45 ang nakuha sa crime scene. (/IBM)(BANATNEWS)
- Latest
