Palma nihangop sa gasa sa kinabuhi
CEBU, Philippines – Si Archbishop Jose Palma sa Archdiocese of Cebu nipadayag sa iyang paghangop sa gasa sa kinabuhi kini subay sa iyang pagsaulog kagahapon sa iyang ika-69 nga adlaw nga natawhan.
Sa pagsaulog sa iyang birthday, si Palma nitambong og mga kalihukan lakip na niini ang retreat sa mga pari.
Si Palma mapasalamaton sa Ginoo ug sa kaayo niini nga gihatagan siya og edad nga 69-anyos ug dako ang iyang pagtuo nga pagbuot usab sa Ginoo nga dinhi siya mangalagad sa Sugbo.
Gibutyag ni Palma nga daghan na usab nga mga significant event ang nahitabo sa iyang pagdumala sa Sugbo lakip niini ang canonization ni San Pedro Calungsod, International Eucharistic Congress, ang umaabot nga National Youth Day ug ika-500 ka tuig nga Kristiyanismo sa Pilipinas.
Si Palma nipadayag nga bisan sa iyang pangidaron hangtud nga nag-edad siya og 60-anyos wala siyay sakit-sakit sa kalawasan apan tungod sa iyang pangidaron na karon nga 69-anyos mobisita na siya sa tambalanan aron magpasusi sa iyang panglawas. (/BDB)(BANAT NEWS)
- Latest
