Paglimpyo sa sapa ipaagi og food-for-work
CEBU, Philippines — Tungod sa kahugaw sa Guadalupe River, mag-hire ang kagamhanan sa Siyudad sa Sugbo og 80 ka mga residente nga nagpuyo duol sa sapa alang sa food-for-work program aron maoy motiwas og limpyo sa sapa sugod karong adlawa.
Matud ni Cebu City Environment and Natural Resources Office head Nida Cabrera nga kada usa ka tawo, makadawat og tulo ka kilo nga bugas ug unom ka de lata kada upat ka oras nga trabaho.
“There’s so much more waste to take. It is very dirty, it is a waste of landfill. Worst gyud ni. Because of the rubbish, we also request equipment to clean the brook after food-for-work, “ sigon niya sa Banat News.
Kulang pa ang upat ka oras sa pagpanglimpyo sa liboan ka mga volunteers niadtong Sabado diin nakakolekta sila og 34 ka toneladang basura sa maong clean-up.
Sa pasiunang imbistigasyon sa CCENRO, dunay mga residente sa lugar ug sa laing lugar nga magsige og panglabay og basura sa maong lugar.
Tungod niini, mag-implementar sila og food-for-work sa mga residente aron makahibalo sila sa estado sa ilang sapa.
Adunay 50 ka sakong bugas ug 25 ka karton nga de lata ang giandam ang kagamhanan alang sa maong programa nga moluntad og 15 ka adlaw.
Napulo ka residente ang madestino sa usa ka estasyon diin adunay walo ka estasyon ug mao kini ang Sandayong Bridge, Haarlemmermeer City Bridge, M. Velez Bridge, B. Rodriguez Bridge, P. Del Rosario Bridge, Guadalupe Bridge, Sanciangko Bridge, ug Topaz Bridge. (BANAT NEWS)
- Latest
