Centenarian gihatagan og P100 mil ug birthday party

CEBU, Philippines – Gipahalipayan ni Mayor Paz  Radaza   kagahapon sa buntag ang ikaduhang centenarian nga taga Sitio Lasang,  Barangay Mactan,  Dakbayan sa Lapu-Lapu.

Si Margarita  Atillo gibisita ni Radaza sa panimalay kauban sa mga kawani sa buhatan sa Department of Social Welfare and  Development (DSWD)  alang sa paghatag og birthday blow out niini.

Si Radaza nagkanayon nga gawas sa paghatag og birthday party sa maong tigulang makadawat usab kini og P100,000 base sa gipatuman nga ordinansa sa kagamhanan sa maong dakbayan.

Kahinumdoman nga niadtong Marso 6 niining tuiga  unang gihatagan og surprise birthday party sa kagamhanan sa siyudad ang 102-anyos nga si Maximina Quintero, taga  Sitio Sta. Maria sa  Barangay Pusok kinsa nakadawat usab og  P100,000.

Si Maximina dili na kaayo makaklaro sa iyang panan-aw apan  maayo pa gihapon ang iyang pandungog  nagbaton na kini og  74  ka apo ug ubay-ubay na usab ang iyang mga apo sa tuhod kinsa sama usab kang Margarita ang pagkaon kanunay og utan maoy iyang gituohan nga nakapataas sa iyang kinabuhi. (/BDB)(BANAT NEWS)