Mga adik nga sakop sa SK gikasagmuyo sa PYC
CEBU, Philippines – Gikasagmuyo sa opisyal sa Provincial Youth Commission ang resulta sa drug test diin upat ka mga opisyal sa Sangguniang Kabataan (SK) sa nagkadaiyang barangay sa probinsya ang nagpositibo.
Matod ni James Canoy ang executive director, nakugang sila sa resulta apan wala usab niya gisalikway ang posibilidad nga adunay malambigit sa illegal nga drugas gikan sa mga opisyal sa SK sa mga barangay.
“Makaingon ta nga dili maayo ilang nabuhat but I will not condemn them, we will give them a chance, karon nasakpan sila nga positive sila then tagaan nato sila og chance na mag-usab, to change direction” matod ni Canoy.
Sa drug test nga gihimo sa CPADAO, duha ka SK chairman sa Danao ug Oslob ug duha ka SK councilor sa Danao ug Carmen ang nagpositibo.
Si Meca miingon nga kasagaran sa maong mga opisyal niuyon na nga mopaubos og community based treatment program.
Si Canoy nagkanayon sa bahin sa PYC, isip pagtabang ngadto sa Sangguniang Kabataan sa probinsya sa kampanya batok illegal nga drugas ilang tan-awon kon unsay mga plano ug kalihokan sa mga SK sa ilang mga barangay batok sa illegal nga drugas.
Sa iyang bahin, si Cebu City Sangguniang Kabataan Federation President Jessica Resch andam mo-request sa Cebu City Office for Substance Abuse Prevention nga mopahigayun og random drug test sa tanang SK officials sa siyudad. —Decemay Padilla (BANAT NEWS)
- Latest