Prangkisa sa V-hire sa GT-Express gisuspenso sa LTFRB

CEBU, Philippines – Ang Land Transportation Fran-chising and Regulatory Board (LTFRB)-7 niisyu og show cause order batok sa operator sa GT-Express V-hire kinsa nakasugat og disgrasya niadtong Biyernes sa buntag ngadto sa Zamboanguita, Negros Oriental.

Si LTFRB-7 assistant regional director Reynaldo Elnar nisuspenso sa prangkisa sa V-hire sulod sa 30 ka adlaw diin ilang susihon usab kong “human” o “mechanical error” ang maong panghitabo.

Ang V-hire nga gimaneho ni JP Sarad giingong tungod sa kadangog sa dalan tungod sa uwan hinungdan nga nisaliring ang sakyanan samtang ang cargo truck nga gimaneho ni Elpedio Delos Santos suway nga nihunong aron sa paglikay sa V-hire nadakin-as na sa atbang nga karsada.

Sa maong aksidente sa kadalanan, unom ka tinun-an ang nakalas ug siyam ang naangol diin kasagaran mga estudyante nga adunay kalihukan nga tambongan.

Sa pasiunang imbestigasyon nasuta nga haros na ang ligid sa V-hire hinungdan nga gi-summon ang operator sa maong V-hire.

Ang rehiyonal nga director sa LTFRB-7 Eduardo Montealto, Jr. niawhag sa operator nga kinahanglang mosumiter og certificate nga nagpamatuod nga dili tigamitan og ilegal nga drugas ang drayber gikan sa buhatan sa Philippine Drug Enforcement Agency (PDEA).

Ug kong masuta nga mogamit si Sarad og ginadiling drugas irekomendar sa direktor ngadto sa Land Transportation Office nga irebokar ang lisensiya niini. (/BDB)(BANAT NEWS)