Andam sa NYD 2019
CEBU, Philippines — Andam na ang Sugbo alang sa ipahigayon nga National Youth Day (NYD) 2019 karong umaabot Abril 23 hangtud 28.
Gibutyag ni Cebu Archbishop Jose Palma nga andam na ang mga kabatan-onan sa Sugbo sa pagdawat sa mga kabatan-onan gikan sa lain-laing lugar nga moapil sa NYD.
Si Palma nagkanayon nga ang Apostolic Nuncio nga si Archbishop Gabriele Giordano Caccia motambong sa kalihukan ug posibleng moabot kini inig Abril 27 ug mosaulog og misa inig petsa 28.
Dugang sa arsobispo, motambong usab ang pangulo sa Catholic Bishop Conference of the Philippines nga si Davao Archbishop Romulo Valles uban ang 25 ka obispo.
Nangaliya si Palma sa kahitas-an nga magmalinawon ug magmabungahon ang NYD 2019.
Samtang si Fr. Andrei Ventanilla, assistant chairman sa Commission on Youth mitug-an nga bisan og andam na sila sa maong kalihukan, padayon nilang gihan-ay ang uban pang gikinahanglan niini. (/DILT)(BANATNEWS)
- Latest
