Mag-ampo kanunay bisan sa mga panghitabo—Palma

CEBU, Philippines – Si Archbishop Jose Palma sa Archdiocese of Cebu niawhag sa katawhan sa Lungsod sa San Fernando nga bisan sa ilang mga kabalaka ug kahingawa tungod sa mga panghitabo sa ilang mga opisyal magpabilin nga maampuon ug isalig kanunay sa Ginoo ang ilang mga gikahadlokan.

Kini ang pamahayag ni Palma human nga daghang tawo ang nabalaka tungod sa mga nahitabo sa pagpamatay sa ilang mga opisyal ug nagsingabot na usab ang eleksiyon diin adunay pipila ka mga magtutudlo ang nabalaka nga moserbisyo panahon sa bugnong lugaynon.

Matud ni Palma nga kong atong pamalandongan importante usab ang political life diin responsibilidad sa usa ka elected official nga naghupot og katungdanan ilabi na kadtong mga nakadaog nga moserbisyo sa katawhan.

Usa ka maanindot nga ministry ang pagpangalagad apan subo lang pamalandongon nga adunay pipila ka tawo nga mohimo og mga salaod sama sa pagpanghulga ug pagpatay sa ilang isig katawo hinungdan nga maampuon siya nga malinawon ang umaabot nga bugnong lugaynon.

Si Palma nanghinaot ngadto sa mga adunay plano sa pagpanggamit og hulga aron makabaton og botos nga dili nila kini buhaton tungod kay usa kini ka krimen.

Nanghinaot usab si Palma nga magpadayon gihapon sa ilang pagserbisyo ang CCIMPEL atol sa bugnong lugaynon. (/BDB)(BANAT NEWS)