Alab mipalagpot sa Wolf Warriors
CEBU, Philippines — Gitagak sa defending champion Alab Pilipinas ang Zuhai Wolf Warriors-China pinaagi sa paglubong, 105-79 sa ABL kagahapon didto sa China.
Ang Alab miharos sa tulo nila ka duwa batok sa Chinese team ug mipahamtang sa ika-16 nga pilde sa Wolf Warriors sud sa 18 ka duwa.
Ang Alab segurado na sa ilang luna sa quarterfinals sa ilang baraha nga 14-3.
Daling nakabawi ang Alab human sila mapilde sa Hong Kong Eastern Lions sa miaging semana nga maoy nakaputol sa ilang pito ka sunod-sunod nga daog.
Ang 7-foot-3 nga si PJ Ramos nga wala kaduwa batok Hong Kong tungod kay gisakitan og tiyan, namawi batok sa China dihang mirehistro siya og 'triple-double' nga 15 points, 14 rebounds ug 11 assists. Si Renaldo Balkman adunay 19 puntos, samtang ang Cebuano nga si Cael Tiongson mitampo og 10 puntos.
- Latest