CVIRAA buksan na
CEBU, Philippines — Kapin sa 10,000 ka mga atleta, coaches ug delegations gikan sa 19 ka school divisions sa Central Visayas ang mohugop didto sa Lamberto Macias Sports Complex sa pagbukas sa 2019 Central Visayas Regional Athletic Association (CVIRAA) Meet karong adlawa.
Mangulo sa opening ceremony si Department of Education Secretary Leonora Briones.
Mahinungdanon ang maong multi-sporting event tungod kay hashasan ang mga atleta nga morepresentar sa Region 7 alang sa Palarong Pambansa nga gikatakda sa Mayo didto sa Davao.
Sama sa gihapon, ang powerhouse nga Cebu City Niños maoy gitan-aw nga mokampiyon, apan giatngan gihapon ang mga atleta gikan sa Mandaue, Lapu-Lapu, Bohol ug host team nga Dumaguete.
Mga sporting disciplines nga tigian naglakip sa football, athletics, archery, arnis, badminton, baseball, basketball, boxing, chess, gymnastics, sepak takraw, softball, swimming, table tennis, lawn tennis, dancesport, volleyball ug wushu.
- Latest
