P1.04B gigarantiya sa Filinvest
CEBU, Philippines – Mas gipalig-on sa Filinvest Land Inc. (FLI) ang ilang panaad ngadto sa kagamhanan sa Dakbayan sa Sugbo human ilang gi-turn-over ang P1.04 billion nga minimum guarantee subay na sa joint venture agreement sa 40-hectare nga luna sa South Road Properties kagahapon.
Una niini, ang FLI ug kagamhanan sa siyudad nagpinirmahay og joint venture agreement (JVA) niadtong 2009. Ang maong JVA may labot sa 40-hectare lot nga gi-develop karon sa FLI.
Sa maong JVA nakalatid nga matag lima ka tuig, ang FLI mohatag og bahin ngadto sa siyudad, kini maoy gitawag og minimum guarantee.
Ang FLI unang nakahatag sa minimum guarantee niadtong 2014 diin moabot sa P1 bilyones ang ilang nahatag ug kagahapon mao ang second tranche sa minimum guarantee nga nagkantidad og P1 bilyones gihapon.
Si Tristan Las Marias, ang Filinvest Senior Vice President for Visayas and Mindanao Cluster maoy mitunol sa maong kantidad ngadto kang Mayor Tomas Osmeña.
“… so roughly around P2 billions of remittance to the city for their shares in the City di Mare project”, matud ni Las Marias kinsa midugang nga wala pa nila ma-fully develop ang 40-hectare nga luna.
Nunot niini, si Osmeña miasoy nga kwarta kini sa siyudad ug moderetso kini sa panudlanan sa kagamhanan.
“We’re just like the BIR unsay imong sales, just all the revenues whether they make a profit or not it doesn’t matter will get a percentage of the sales. So there’s less possibility of corruption”, matud sa mayor. (/DILT)(BANAT NEWS)
- Latest
