Footages sa dash cam ni Mary Ann Castro ma-retrieve – Frankie Jingle Lugo
CEBU, Philippines – Ang napapas nga footages sa dash cam sa sakyanan ni kanhi Fiscal Mary Ann Castro giingong pwede pa kining ma-retrieve.
Matud sa hepe sa Special Investigation Task Group-Castro nga si Police Superintendent Frankie Jingle Lugo nga gisumitir nila ang maong dash cam ngadto sa Anti-Cybercrime Group aron makuha kadtong mga footage sa pagpamanhig kang Castro.
“Sinubmit natin for digital examination kahit binura pa yan makikita at mare-retrieve pa naman lahat so walang problema”, matud ni Lugo.
Nasayran nga nireklamo ang kampo ni Castro dihang nadeskobrehan nga napapas ang footages nga mao unta’y makatabang sa pag-ila sa mamumuno nga nipatay kang Castro.
Giingong isumitir usab nila sa ACG ang ilang nakuha nga CCTV footage gikan sa lugar duol sa nahitaboan sa krimen aron mapatin-aw ang plaka sa motorsiklo nga gisakyan sa mamumuno.
Hinuon giingong aduna na sila’y saksi sa maong krimen kinsa ang pamahayag nagkatukma sa nakuhang CCTV footages.
Gani, giingong mamahimo niining ma-describe ang mamumuno.
“We are trying to convince yong witness natin para mag ano sa crime lab para maggawan ng cartographic sketch kasi kaya niyang i-describe eh physically” padayag ni Lugo.Dugang ni Lugo nga usa ka grupo sa mga hitman ang gitan-aw nila nga persons of interest sa krimen.
Kahinumduman nga niadtong Enero 17, 2019 gibanhigan patay si Castro samtang nagmaneho kini sa iyahang sakyanan diha sa dalan Escario, Barangay Kamputhaw, Dakbayan sa Sugbo. (/BDB)
- Latest
