Habal-Habal iparehistro sa syudad
CEBU, Philippines — Usa ka ordinansa nga magmando sa tanang motorcycle-for-hire o Habal-Habal sa pagparehistro sa ilang territorial jurisdiction sa Cebu City ang iduso sa City Council.
Si Konsehal Pastor Alcover Jr., nihimo sa maong lakang human iyang nabantayan nga dili madali ang pagpasar sa House Bill 8959 kun regulation sa operation sa habal-habal sa Senado.
Sa kasamtangan, ang maong balaodnon pending pa tungod kay wala pa kini aproba gikan sa Senado. Ang House of Representatives, kahinumduman, nga mi-aprobar na sa mga habal-habal nga mo-operate isip alternative commuter vehicles.
Usa si North District Representative Raul del Mar sa mi-sponsor sa maong balaodnun uban ni Rep. Juliette Uy, Rep. Ramon Durano VI, Rep. Pedro Acharon Jr., Rep. Rozzano Rufino Biazon, ug Rep. Arthur Yap.
Sigon niini, mas maayo nga mohimo og legislative measure sa siyudad samtang naghuwat sa approval sa maong house bill.
“If we will wait the approval of the habal-habal up to the Senate, matuigan pa ta ani. Dili ni masulbad after election”, matud ni Alcover.
Ang maong ordinansa nga gipasar magmando sa tanang motorcycles-for-hire nga i-accredit ilang units sa ilang tagsa-tagsa ka barangays.
Si Alcover miingon nga sa maong paagi, dali ang pag-monitor sa mga habal-habal. Sa registration, ang drivers magdala og usa ka valid identification card ug ilang motorcycle unit.
Miani hinuon og klase-klaseng reaksyon gikan sa mga habal-habal driver ang pag-aprobar kanila sa kongreso.
Si Artemio Reyes, 46, ug adunay duha kabuok anak mipadayag hinuon sa iyahang kalipay nga hapit na ma-legalize ang habal-habal isip pampublikong transportasyon.
Matud niya nga mas maayo nga ma-legal na gyud para wala na siyay kahadlok nga madakpan samtang mamasahero. - Joevelon Pinay (BANATNEWS)
- Latest
