Range officer patay
CEBU, Philippines — Patay nang nakit-an ang usa ka 64-anyos nga firing range officer nga gituohang nagpusil sa iyang kaugalingon sulod sa opisina diha sa F. Zuellig Street, Barangay Subangdako, Dakbayan sa Mandaue kagahapon sa udto.
Ang nakalas naila nga si Mario Caballes, taga Barangay Guadalupe Dakbayan sa Sugbo. Samtang usa ka Trisha Lapinid ang naigo sa saag nga bala ug nagpabilin karon sa tambalanan.
Matud pa nga nakit-an kini nga nisulod sa accounting office kay adunay gikuhang dokumento apan kalit lang nadungog ang usa ka sipang buto ug nakita nga nagsandig na sa bangko ug nagkadugo ang ulo ni Caballes.
Ang Scene of the Crime Operatives nakakuha sa crime scene og Glock 40 pistol tupad sa lawas ni Caballes.
Si Senior Supt. Julian Entoma, City Director sa Mandaue City Police nga nahinabi sa Banat News nitug-an nga nagtuo silang nagpakamatay si Caballes apan palawman nila ang imbestigasyon. (BANAT NEWS)
- Latest