Magpale: Cash incentive di angay politikahon
CEBU, Philippines — Giawhag ni Bise Gobernador Agnes Magpale ang iyang mga kritiko nga dili butangan og pamolitika ang pagapud-apod sa probinsya og cash incentives sa mga trabahante sa barangay.
Matud ni Magpale nga matag tuig kini nga gihimo sa kapitolyo ug dili lang karon nga panahon na sa eleksyon.
“Gikonsiderar namo kamo nga mga heroes. Sa panahon nga nagkinahanglan og dinali-ang tabang ang mga kabus diha sa barangay ilabina na sa kabukiran, anaa dayon kamo nga moabag kanila,” matud ni Magpale.
Dili momenus P17.2 milyones nga kantidad sa mga proyekto ang giapod apld sa Kapitolyo sa duha ka mga lungsod sa probinsya sa Sugbo.
Didto sa lungsod sa Argao, moabot sa P1.873 milyones ang gihatag tanan nga cash incentive sa mga personnel sa baranagay sa maong lungsod
Apil na niini ang mga barangay health workers, daycare workers, nutrition scholars, membro sa Lupong Tagapamayapa ug tanod.
Apil nga gihatag sa kapitolyo sa Argao mao ang P7.7 million nga road concreting project sa barangay Mopeller-Tulang ug P5 milyones nga kantidad sa duha ka andana nga school building sa Cebu Technological University.
Didto sa lungsod sa Dalaguete , gawas sa cash incentives sa 712 ka mga trabahante sa barangay nga moabot sa P1.284 milyones, nakahatag usab ang kapitolyo sa niaging tuig og P10 milyones nga financial assistance alang sa pag-ayo sa munisipyo sa lungsod; P15 milyones nga kantidad sa farm-to-market road sa barangay Mantalongon; P32 milyones nga kantidad sa nagkadaiyang proyekto sa lungsod ug barangay. (BANAT NEWS)
- Latest