Drug cases ni Castro subayon— Garma

CEBU, Philippines —  Subayon sa Cebu City Police Office ang tanang mga kaso nga niagi sa kanhi assistant prosecutor sa Cebu City nga si Mary Ann Castro kinsa gi-ambush patay diha sa Barangay Kamputhaw ning dakbayan Huwebes sa gabii.

Si Senior Superintendent Royina Garma, director sa CCPO wala mokompirmar o mihimakak sa posibleng kalambigitan ni Castro sa ilegal nga drugas.

“I think on the issue of illegal drugs, the best people that can answer to that are those na kakilala niya,” sigon pa ni Garma.

Sigon pa ni Garma na kaniadtong anaa pa siya sa Criminal Investigation og Detective Group, aduna na siya’y report nga nadawat nga adunay mga nireklamo sa dinalhan ni Castro sa mga kaso sa ilegal nga drugas.

“Merong other cases na hinawakan niya dito ay mga sensational cases, na may nagreklamo the way it was handled, she handled drug cases mostly,” sigon pa ni Garma.

“May team na magpo-focus sa kaso, so there will be more resources, and more people, you will expect a better outcome, hopefully mo-cooperate ang witnesses, and those who know the life of Castro, lumabas at magkwento sa amin,” sigon pa ni Garma.

Si Garma miangkon nga bisan og may gun ban aduna gihapoy kahigayunan nga makalusot ang armas. Alang kaniya, di na kinahanglang pasidan-an pa ang mga abogado bahin sa ilang seguridad tungod sa matang sa ilang trabaho.

“Kahibawo sila unsay maayo o dili. Ang tanong is bakit ikaw, ano ang ginawa mo?  Ang krimen kasi di mangyayari kung may absent na element, during that ang opportunity was available and intent or reason why gagawin,” si Garma miingon.

Andam usab sila makigtambayayong sa National Bureau of Investigation ug Commission on Human Rights alang sa parallel investigation.

Ang chairman sa Committee on Peace and Order sa Dakbayan sa Sugbo Konsehal Dave Tumulak nihangyo sa kapulisan nga palawman ug tutukan ang imbestigasyon sa pagpatay kang Castro.

Sumala pa ni Tumulak ang kamatayon ni Castro dili makaapektar sa kalihukan sa Pista Senyor.  IBM, (BANATNEWS)