Mga Empleyado sa Kapitolyo gipahimangnuan
CEBU, Philippines – Gipahimangnuan ni Goberandor Hilario Davide III ngadto sa mga empleyado sa Kapitolyo nga dilii mag apil apil sa politika hilabina nga nagpadulong na ang election karong bulan sa Mayo.
Ang gobernador mi-anunsiyo niini atol sa flag raising sa Capitol niadtong Lunes diin iyang gipahimangnoan ang mga kawani nga maglikay sa pangampanya.
“I told them leave politics to the vice governor, to the board members and to me kay kami man ang politicians diri sa provincial government. So I told them if you want to campaign, kun katol gyud inyong tiil, gusto mo mangampanya, either you resign or you file a leave of absence” matud pa ni Davide.
Gitumbok sa gobernador ang balaod sa Civil Service Commission (CSC) kon diin bawal ang mga empleyado sa pag-apil apil sa politika o pangampanya o mas giila nga “electioneering”. “We will use the law against them” dugang pa Davide.
Base sa CSC resolution gitumbok niini ang section 55 sa Administrative Code of the 1987 nga nagsaysay sa pagbawal sa mga empleyado sa gobyerno nga malambigit sa bisag unsa nga matang pamolitika.
“No officer or employee in the Civil Service including members of the Armed Forces, shall engage directly or indirectly in any partisan political activity or take part in any election except to vote nor shall he use his official authority or influence to coerce the political activity of any other person or body” saysay sa maong balaod.
Ang mga empleyado nga masakpan nga namolitika mamahimong masilotan og usa ka bulan ug usa ka adlaw ngadto sa unom ka bulan nga suspension sa unang offense; sa ikaduhang offense mamahimo na kining matangtang sa serbisyo. - / LPM (BANAT NEWS)
- Latest
