Nakuhaag P25 milyong shabu sakop sa dakong grupo

CEBU, Philippines — Drug suspect nga nakuhaan sa kapulisan sa Pardo Police Station sa Dakbayan sa Sugbo og P25 milyones nga gituohang shabu giingong sakop sa usa ka dako nga  sindikato sa drugas nga adunay link sa Mindanao.

Niadtong Lunes sa gabii nadakpan diha sa dalan Macopa, Barangay Basak-San Nicholas, Dakbayan sa Sugbo ang usa ka Alfred Gabunia ,35, residente sa Barangay Ermita ning dakbayan.

Nakuhaan si Gabunia og 3.6 ka kilong gituohang shabu nga mobalor P25 milyones.

Base sa report sa kapolisan nakuha gikan sa maong suspek ang tulo ka extra- large, unom ka large nga mga pakete sa gituohang shabu.

Si Gabunia gikatahong sakop sa Jay Camotes drug group matud pang

Cebu City Police Office director Senior Supr. Royina Garma.

Si Jay Camotes gipasanginlang drug lord ug adunay squad goons nadakpan na niadtong tuig 2014 didto sa Dakbayan sa Carcar apan bisan atoa na kini sa prisohan nagpadayon gihapon ang illegal nga negosyo niini sa gawas.

Sa mga miaging report, si Camotes maoy tinubdan sa drugas sa Dakbayan sa Carcar ug nag-supply sab kini og drugas sa ubang bahin sa Visayas ug Mindanao.

“Yun yung sinasabi namin sa drugs, na kahit na nga nahuli na ‘yung lider o di kayay namatay, kagaya ni Jaguarn (Jeffrey Diaz), namatay na nga, pero kapag may huli sa kanya pa ring linya. Napalitan lang yung nagma-manage. Dili sila tumitigil because di tumigil ang market, marami pa ring adik,” sigun sa maong direktor.

Ang pagkasikop kang Gabunia resulta kini sa kapin duha ka semana nga casing and surveillance kaniya.

Nagtuo si Garma nga ihatuday pa ni Gabunia ang maong mga dinagkong bulto sa shabu sa ubang parte sa Dakbayan sa Sugbo sanglit giatangan na nila nga moulbo ang demand sa shabu nunot sa Sinulog.

“Kung makikita ninyo sa mga nakuha sa kanya, iba-ibang kilo. May pagbibigyan pa siya, may omorder siguro,” sigun niini.

Nakigalayon na sila sa Provincial Intelligence Branch sa Cebu Provincial Police Office aron masubay kun kinsa pa ang konektado sa grupo ni Gabunia. Susihon usab nila kun giunsa nila pagpasulod sa Sugbo gikan sa Mindanao ang maong mga shabu.

Hinuon, giingog aduna na silay nga pangalan nga konektado ni Gabunia ug mao karon ang ilang target sa sunod nga operasyon.

Gibutyag usab ni Garma nga pareho sab nga ‘dirty white’ ang kolor sa nakuhang shabu gikan ni Gabunia kaparehas sa ubang mga ebidensya nga una na nilang nadakpan. Gituohan nila karon nga usa ra ang tinubdan sa drugas ni Gabunia ug sa ubang una nang nangadakpan.

“We are working on identifying ‘yung link niya. Murag nagsumpay-sumpay na sa mga dating players sa Cebu. Link din niya sa Lanao del Sur mataas din,” dugang pa sa maong direktor.  IBM, (BANAT NEWS)