Barili nakadawat og rescue truck
CEBU, Philippines — Usa ka bag-ong rescue truck ang gihatag sa kagamhanan sa Probinsiya sa Sugbo ngadto sa Munisipyo sa Barili kagahapon adlawa.
Ang brand new nga 4x4 rescue truck nagkantidad og P6 milyones ug pormal nga giturn-over sa mga opisyal sa Kapitolyo nga gipangulohan ni Gobernador Hilario Davide III ngadto sa lokal nga kagamhanan sa Barili.
“Naa silay request for financial assistance to purchase a rescue truck. So mao to ilang gipalit,“ matud ni Davide kinsa nagkanayon nga gikan sa Russia pa ang maong sakyanan.
Ang maong truck gamiton sa lungsod isip rescue vehicle hilabina sa panahon kon adunay katalagman sa lugar.
Ang acting mayor sa Barili nga si Jeremias Aguillar maoy mitambong sa kalihokan kagahapon sa Kapitolyo.
Anaa usab si Bise Gobernador Agnes Magpale ug ang pangulo sa Provincial Disaster Risk Reduction and Management Office nga si Baltazar Tribunalo Jr. (BANAT NEWS)
- Latest