Hurado: Street dancing sa kabataan ni-improve
CEBU, Philippines — Bisan nalangan pagsugod, apan gidugok sa katawhan diha palang sa kadalanan ang Sinulog sa Kabataan sa Barangay 2019 sa Dakbayan sa Sugbo kagahapon.
Matud pa ni Rene Ferrolino, usa sa mga hurado sa Street Dancing sulod na sa upat ka tuig niyang pagka-hurado kini nidayeg sa nagka- improved nga performance sa mga nangapil nga barangay.
Bisan mas gamay ang nangapil karon apan mas nindot ang ilang performance kay matud niya sa 13 ka barangay nga niapil, lima ang nilabaw apan tulo ra ang pilion sa street dancing.
Samtang si March Mandal, laing hurado sa Street Dancing miingon nga sa unang higayon puros maayo ang mga performance sa mga contingents sa mga barangay.
Ang street parade nagsugod sa Plaza Independencia paingon na sa Cebu City Sports Center kagahapon ala 1 na nasugdan tungod sa traffic.
Sigon ni Konsehal Dave Tumulak, Executive Committee Chairman sa Sinulog 2019 dugay kini nasugdan kay ilang gikonsiderar ang traffic.
Samtang si Cebu City Mayor Tomas Osmeña mihulagway sa kalihukan kagahapon nga “spectacular” ug nagpasalamat kini sa mga Barangay Environmental Officers (BEOs) tungod kay limpyo ang siyudad. (BANAT NEWS)
- Latest